Akana sigate an o Hrvatsko Sabori , o membro an o Konsilo e nacionalno minjoritetenge o Veljko Kajtazi sikavgja pli bibaht thaj holi mujal legarutni HDZ thaj olakoro memdbro o Stevo Culej.
Sar so notirinel o Kajtazi o membri taro HDZ o Culej ko plo FB profilo hramosargja mesažo kote zorale teleperavgja e romane deputate taro hrvtasko Sabori o kajtazi kote tergjola sine: “Pativalen Romalen, ma sikaven pativ e eks oficereske taro JNA soske hovavel sar srpsko Rom, thaj nane kotor tumendar e Hrvatsko Romendar , thaj an o Hrvatsko Sabori vakerel salde hohvina thaj kerel buti aso o dendo dekreto okolendar so na mangen i Hrvatska, thaj nane ni kotor tari tumari programa bašo barabutno dživdipa”.
Odova komentaro o Etičko ofiso notiringja akava akti sar but bilačho phagiba o alusaribaskoto žro etičko kodeksi kote buvljarel rasno thaj nacionalno natolerancia thaj nakamipa.
Ko maškar vakti soske an i Hrvatska akana si aktuelno angloalusaribaskiri kampanja , o HDZ prezidento o Andrej Plenaković bičhavgja jerisariba e Veljko kjatazeske so sine vakerdo o komentari taro olengoro membro o Stevo Culej, numa vakergja kote asavke komentaria nane an i agenda taro HDZ thaj taro korkoro Plenaković , numa si personalno komentari taro Curej thaj si formirimi e alusaribaskiri lista taro HDZ akale alusaribaske si definrimi thaj nane šanse o kandidati taro HDZ našti ovel ikavdo tari lista.
O Culej akanaske ka nakhel bizi desave seriozno konsekvence. Ov reslja salde jekh anglohavljarin , numa tari lista taro HDZ ov majodorig ačhola ki pozicia telal numero 14 ki Alusaribaskiri jekhin 5.
