” Raritetno neko te pukjinel ole. Ka den le hajbaske, soske bokhalo našti kerel buti. Po desavo drom thaj marena le da sine, ka frden le ko panja, ko droma thaj palo odova našavgjovela sine. Okola so den le love but lokheste ka legaren le ki kafana, thaj sa oleskere love ka pien olen” vakerel i Čana Safet Adžović, kote pobaro numero taro Nikšić anavkeren le sar Ćamil. Si le 42 berša učo si, zoralo thaj kerel but buti.
Na šunel, na kerel lafi thaj si epileptičari dživdinel pe bibija thaj olakiri familia. But droma “našavgjovela” thaj palo deš divesa roden le sasti familia thaj i policia. Kana ka arakhen le sako drom si jekh paramis, ka len le manuša te čhinel lenge kašata , ka kerel lenge buti thaj ka mukhen le pali kerdi buti, Sebepi so si zoralo thaj bukjarno e toverea e Safete butder droma lenma le te pharavel kašta, te kerel buti ki olengiri bavča thaj palo odova jalki ka de le hajbaske, jali ka maren ole. ” O dat e Safetskoro mulo kana e Safete sine le salde 3 berša. Ov si em kačuko thaj hendikeb čhibjaja odoleske o manuša len le lokheste” vakerel oleskiri bibi i Čena.
Oj dopherela kaj o Čamili angleder 4 berša nasvalilo tari epilepsia thaj andruni alergia. “Majšukar si te len le ko desavo hospitaslo thaj te sasljaren ole, thaj o manuša ma te maltretirinen le pobuter” Trubul i them te lel akala obligacie thaj oleskiri protektivam vakerel oleskiri bibi i Čena Adžović.
