I politikani kriza an i Makedonia kerel li refleksia upral o Roma. Kerel pe li manipulacia e Romencar kana si alusariba te kinen olengere hangia thaj ki savi forma, sar te trampinen pe odola nalačhe bukja. Ko akava i Romani jekhin angja akala decizie:
I politikani kriza na hošinen la odokhare kobor so i sakodiveseskiri socialno kriza e situaciake.
Kote te oven dikhle o Roma ki diskriminacia sa dži ko momenti taro alusariba. Kana avel o periodi taro alusariba roden te kinen pe olengere hangia bašo 10-15 eura, a o pobaro kotor tari jekhin len odola love, soske o majtikne da love olenge si šukar te nakhaven o dive.
-O membria taro politikane partie dena lafi kaj ka den suporto, numa niko olendar na kerel o dendo lafi, soske džanen kaj e Romencar šaj lokheste te kerel pe manipulacia.
-Jekh taro ikljojbe taro akava momenti si i nacia te na mukhel te kerel pe e romencar ko kolektivno akcie (sar protesto) te šaj te pheren pe o prioritetia.
Ki akaja debata an o Štip o Roma pohari keren te šunel pe olengoro hango. Garvasiale thaj klar rodena majbaro čačipa thaj olengoro hango te ovel majbut moldime.
