O buvlo romano auditoriumi napakjajbaja thaj bare bibahtaja dikhlja i informacia taro meripa e 46 beršengoro romano aktivisto thaj funderi taro RVN o Valery Novoselsky . Ov sine lungovakteskoro romano aktivisto so kerel sine bukji pe diferentno umalja sa so si konektirime e romane aktivizmea.
Trujal o akanutne hari pendđarde faktia an i konekcia e meribaja taro Valery Novoselsky , pendđardo si salde kaj ulo an o 20 avgusti an i Riga Latvia, kote lelja than te dikhel o Romano festivalo an i akaja them. Aver detalia sar so si vakti thaj lokacia meribaske nane pendžarde. Asavke informacie na dengja thaj ni o organizatori akale festivaleske.
Numa tikno vakti pali hulavdi informacie bašo o meriba taro Novoselsky iklile thaj o avgo špekulacie an i konekcia akale bibahtale informaciake. Ko socialno networko taro FB amala počmingje te buvljaren o info so si čačuni karana bašo akava meripa. Jekh taro avgo špekulacie sine kaj akava šaj te ovel o Novoseslky korkorokaj mudragjape. Akaja teza majbut teloikerena e informaciaja kote o korkoro Novoselsky ko plo FB profilo ko 18 avgusto ko javinakere saatia ko 06:24 saato lokaciaja diz Riga hramosargja FB post kote tergola: „nane mange lačhe thaj sem but depresivno , thaj na kamav pobuter te dživdinav. Trubul mange konkretno suporto!”.. – „ I am in total depression and do not want to continue to live in this world anymore! I need concrete help now!„ – Valery Novoselsky hošinwel pe bilačheste. 18 avgusto an o 06:24 · foro Riga, regiono Kurzeme Planning Region, them Latvia ·
Akava fakti thaj posti ko plo FB profilo plesutne akana o mulo Valery Novoselsky , kergja te ikljon but komentaria sar deiba suporto oleske thaj pučiba, soske hramosarel odova.
O agorutno antvorto tari rig taro Valery Novoseslky an o komentaria ko oelskoro posti si notirime o aver dive 19 avgusto ko 08:23 časo.
A ko jekh ko piro FB profilo kergja post taro fotosia e muzikakere festivaleske an i Riga , so o agorutno sine notirime ko 19 avgusto ko 23:15 časo.
Thaj ko agor aso nesave informacie taro amare Romane aktivistia tari Riga , naoficialno dena info kaj o Valerz Novoselski korkoro mudargja pe humlavipaja ko oleskoro hotelsko apartmano, kote ko javinekere saatia ko 20 avgusto arakhlo sine taro hoteleskoro personali.
Sa aver ačhola misteria bizo aver detalno informacie.
Interesno si kote ni o organizatori e festivaleskoro o Kulturakoro centro e Romenge tari Latvia thaj i legarutnio Oksana Rudević. ko jekh romni taro Nortmund Rudević nane bičhavdi nisavi informacia an i konekcia e meribaske taro romano aktivisto o Valery Novoselsky.
Ko jekh i redakcia taro Roma Times sikavel pli hor bibaht an i konekcia akale momentea taro meriba e rajoske Valery Novoslesky so ko jekh sine amen baro kontakto kote bičhavel sine amenge sako drom informacie sa so si konektirime e romane aktivizmea.
Lokhi ti phuv amala ! – Te avel jerto!
