Romani familia ko trujalipa taro Novo Mesto an i Slovenia angja došperavipaskoro akti anglal Europakoro Kriso manušikane niamenge an o Strazbur kote šubikerel e thema kaj na del len šajdipa ko fundavno manušikane šastria, soske buteder čhavencar dživdinel an i baraka ki mahala bizi elektrika, kanalizacia thaj pani.
Faktea kaj pijbe pani si fundavno manušikano niami thaj prekal o dokumentia taro Unime Nacie , i Slovenia šaj arakhel pe deciziaja te kerel panjeskiri infrastruktura
O pozitiv akti e Romencar an o Strazbur si ando, soske asavko akti reslja angleder jekhe romane familiake tari Bugaria.
Taro 30.000 Roma kobor so dživdinen an i Slovenia, majphare si e agjaar anavkerde ” Dolensko Roma” kote o mahale si kerde nalegalno an i themakiri phuv thaj nane legalizirime, kote buteder komune vakeren kaj te na respektiringje o kanoni našti anen ni elektrika, pani pijbaske thaj kanalizacia.
O akti akale anonimno romane familiake so rodinghja protektiva taro Kriso an o Strazbur, te sine pozitiv, ka ovel lačho signali sa o nalegalno romane mahale palo odova te resen infrastruktura.
