Paše 40 Roma , migrantia so zorea sine paldime taro kampia sebepi sastipaskere thaj arakhipaskere protektive, nekobor rakja soven anglal o udara anglal i komuna ko Malme Švedia, kote planirinen te ačhon thaj te protestirinen mujal akaja decizia.
Pobut taro Roma si tari Bugaria thaj Romania kote bešen ko improvizirime kampia an i industrisko zona ki akaja trinto premal baripa diz an i Švedia.
Ov sine užardo sebepi sar so vakeren sine riziko bašo sastipa thaj arakhipa e dizutnenge thaj e trujalipaske
Pobut olendar protestiringje thaj plo bičalipa sikaven sojbaja ko dušekia anglal i komuna. I policia ko momenti vakeren kaj akava si tromalo protesti thaj na keren khanči, numa te sine eskalacia ola si hazri baši akcia.
E migrantenge si mukhlo legano phiripa an i Švedia faktea kaj si tari EU. E švediakoro premieri Stefan Lofen akcentirinel kaj o džovaplipa trubul te len olengere matično thema. “Amen šaj jekhutne te da olen than baši evakuacia thaj teloikerin te iranen pe ko pire thema” notiringja i dizjakoro šerutno tari diz Malme i Katrin Stjernfeld Jame.
Prekal e Švediakoro kanoni , o lokalno dizutne thaj misafiria šaj tromale phiren thaj kampunjen kote kamen salde našti an o javno jali privatno than.
Prekal o informacie akaja čipota si komplicirime soske o gazda e phuvjakoro kerel sine tolerancia pobut taro 6 masekoja, angleder te akahrel policia te paldel olen.
