Ko notriba 15 berša taro Ohridsko Dekreto dela pe o pučiba ko savo drumo džana o mapkaretnikane relacie an i them. Palo o incidentia angleder duj berša so sine len etnikano forma ki vizita e Purane Skopsko čaršiake than kote ebršencar heminen pe diferentno kulture, religie thaj tradicie. Ko majbaro kotor e themake dživdinen Makedoncia, Albancia, Turkie, Roma thaj aver, dživdinen jekh trujal aver. I Čaršija si jekh taro hari thana kote ola beršencar dživdinen jekh trujal aver. Si li avdive da i Purani skopsko čaršia sinonimi bašo sadživdipa.
Buši Irfan gazda taro jekh o majpurane dukjania somnakaeske ki Purani Skopsko čaršia . Pobut taro 40 berša si ki čaršia a o dukjandžie plo dive majbut nakhen odothe so podesavo drom si majpaše nego pe familiaja.
I čaršia aso oleste sako drom sine simbolo tari muktikutura, thaj ko 2001 berš dela pe godi o Irfani.
„Ki purani čaršia prekal mande sar purano dukjandžia na pakjav kote aver thaneste isi majlačho sadživdipa tari čaršia. Nali ko 2001 berš sine amende mariba, savore aven sine ko dukjania ki buti, kote 40% sine makedoncia, a sine thaj Roma, Turklie, Bosancia thaj aver.thaj sine sar khanči te na ulo. odori ko Ljuboten thaj Aračinovo sine phajrariba, a amen akate pia sine čaj, kafa, thaj so si interesno ni jekh dukjana na sine phagi. Amen arakha amen jekh jekhea, amen siem esnafia, pobuter dživdinaja odole manušencar nego amare romnjencar jali daencar kehere, soske siem sasto dive barabutne akate” vakerel o Irfan.
Ko palune berša sine aktuelizirime o pučiba konektirime maškaretnikani natolerancia sikavdo prekal protestia , thaj demoliriba lokalia ko thana kote kheden pe manuša taro diferentno etnikani struktura an i them.
