Kinesko turisti ko dromaripa an i Europa ko juli masek ačhilo ko jekh centari bašo azilantia an i Germania sebepi birokratsko nahaljovipa so kergje ki čhibjakiri translacia, havljarge o Lolo kriso.
Ko 4 juli kana hulilo ko aeroporto an o Štutgart o 31 beršengoro Kinezi so na kerel sine lafi ni anglikani ni germaniakiri čhib taro panda napendžarde situacie sine notirime sar ” manuš so trubul leske suporto” vakeren bašo AFP o Kristofer Šluterman šefi an o Lolo Kriso.
Kana angele ko centro ko Hajdelberg , našavgja o love so sine le “thaj faktički namangle” phergja o formulari aplikacia bašo azili so dengje le odothe dopherel o Šluterman
Sar so rodela i germansko procedura kote organizirinela julaviba e azilanten ko sojuzno pokraine ko 6 juli o Kinezi asine legardo ko haemi ko Dortmund a palo odova ko than Duelmen.
„Chidingja i mašineria so našti sine te ačhol” vakergja baši gazeta Duelmener Zeitung, o Šliterman so si direktoro ko centro an o Duelmen.
Numa ov thaj panda jekh persona taro odova centari but siga notiringje kote o bibahtalo Kinezi si diferentno taro aver manuša so rodena azili an i institucia, thaj o nahaljoviba but siga chidingje asuportoa tari mobilno aplikacia baši translacia.
„Ov vakergja kote manglja turistički te kerel vizita an i francia thaj Italia” vakerel o Šluterman . Numa te šaj ikljovel pe tari procedura trubul sine pobuter taro 10 divesa thaj palo duj kurke šaj sine te džal majodorig ple turistikane vizitaja.
” Me e Europa dikhav sine aver čhane” vakergja anglal te džal majodrig ko plo turistikano traveling o Kinezi e germansko informativno netvorkoske WDR.
