Majhari 10 manuša si ratvarde an i bari jag so sine ki germansko diz Kasel. Sar so notirinena taro akava azilantsko kampi kote si thanjarde 800 azilantia, i bari jag astargja o objekti kote isi thanjarde paše 120 migrantia.
O ekipe tari urgentno medicinsko arka thaj i policia si an o tereni. Akanaske nane pendžarde o faktoria tari bari jag numa iklile insinuacie kote šaj akaja jag si kerdi mangipaja.
I bari jag majanglal notiringje la okola so si ko socialno netvorko so dživdinen ko pašipa e kampeske, kote hramosargje i informacia sar so si “kalo dumani učhargja sasto than thaj pharsete avel pe dži kop lufti”.
Ola akcentirinena kote taro baro dumani nane šajdipa te avel pe majpaše dži ko kampi.
