Ko akana agorkerdo Sabor e trubačenge ki Guča , kerdi si inicijativa o Trubači o Boban Marković (52) taro Valdiči Han te del pe leske nacionalno penzia sar dekreto bašo kvaliteti taro oleskoro dži akanutno artistikano opusi.
I iniciativa dengja la o Slobodan Jolović presidento an o Ogranizacisko ofiso e festivaleske Guča thaj o Milorad Dodik, presidento e Republikake Srpska a teloikergja la o pendžardo trubači o Ekrem Mamutović taro Vranje.
– O Boban Marković trubul te lel nacionalno penzia soske isi le but kerdo an i promocia e trubake an i lumia.
Ov si majstori akale instrumenteske thaj sine sakote an i planeta thaj ov si asavko artisto so trubul te del pe leske akaja penziam vakerel o Mamutović.
O Boban Marković bvakerel kana reslja but diplome thaj phursakia an i Guča, bičhavel baro ov sasto baši kerdi akaja incijativa.
– Odova ka ovel nevo akti e terne trubačenge so ka keren te šaj resen panda majbare sukcesia. Odva ka motivirinel olen majbut te sikljon thaj te len than ko festivalia.
Ka ovel mange čalipa kana bi avel desavo terno trubači te rodel mandar desavo konsilo te šaj sikavav ole, thaj ka notirinav kaj trubul but te keren buti te respektirinen e phureder trubačen thaj te resepktirinel e publika, vakerel o Marković.
Ov pobut droma legargja i viktoria sar ko Dragačevsko sabori agjaar thaj ko Sabori ki Guča. Ov dži akana sar so vakerel sine le upreder 115 konceria sakote an i Europa, a ko palo nilaj havljarel plo nevo muzikakoro albumi.
Link: http://rominfomedia.rs/bobanu-markovicu-nacionalna-penzija/
