E jazia si la podesavo drom čače humorsitikano momenti. Ov odova korkoro hošingja le upral peste thaj o nenad Kostič kote sar čhavo ki durutni 1980 berša debitiringja ko pendžardo kultno filmi “Ko to tamo peva” thaj i pendžarutni gili taro odova filmi “Zaa Beograd”
Sine le salde 11 berš kana arakhlja pe ko društvo e legendarno alterencar taro jugoslovensko filmi sar so si i Neda Arnenič, Pavle Vujsič, Bara Srojković, Taško Načoć, Dragan Nikolić, Aleksandar Berček thaj Slavko Štimac.
Ko starti taro 90-to berša kerel sine buti sar DJ, palo odova ulo policajco thaj palo odova khuvgja ki buti sar šoferi ko beogradsko dizjakoro transportno kompania. Ov palem irangja pe ko busi sar ko starti tari pli dživdipaskiri storia.
Oleskoro kako o Miodrag (an o filmi khelel i rolja sar harmonikaši) ko odova 1980 berš kana sine akhardo te sniminel filmi an i lokacia taro Deliblatsko Blato.
Oleske vakergja kote oleskoro askereskoro amala o Slobodan Šijan so sine režiseri ko odova filmi mangel te del le suporto ko filmi kote e Šianeske sine ko jekh sar diplomsko akti an o fakulteto. Gele ki proba- aducia ..thaj sa palo odova sine legenda.
Ačhilo leske ki memoria jekh momenti kana o nenad nadžanel sine te bašavel kidrombulja , ama o režiseri “dikhlja leske prekal o naja” thaj odole kadreske taro filmi čhiven sine play back
Bapi keldi rolja ko odova filmi sar honoraro lelja 1.5 milionia teganutne dinaria so sine ekvivalentno ko odova vaketi jekhvaš i moldi tari teganutno nevo vordon fičo.
Ko jekh momenti taro snimiba e filmeske trubul sine te kerel pe jekh kadro kote o Bata Stojković khuvel šamarka numa sebepi o gro plani e kadroske i šamarka trubul sine te ovel čačutni.
“Numa ov odokhare zorale khuvgja man i šamarka so zuingja mange thaj ko kana, em gele mange čače asva. Našljum taro busi kobor ikeren man sine o pre thaj resljum ko Pančevo. I filmsko ekipa sasto dive rodena man sine thaj kana arakhle man o Bata angja mange i majbari bonboniera so šaj sine te kinel pe deibaja lafi kote nane nikana te khuvel man pobuter” dela pe godi o Nenad.
O sasto filmi snimingja pe bašo salde 26 divesa . Palo agor taro škola ki maškarutno transportno škola, počmingja te kerel buti sar DJ ko beogradsko diskoteke. Ko starti maribaske an i Jugoslavia sine legardo sar mobilizacia ko fromti ko Vukovar, a palo iraniba taro mariba khuvgja ki buti sar policajco kote kergja buti 4 berša. Ko 2002 berš aplicirngja baši buti sar šoferi ko dizjakoro transportno kompania busenge ko Beograd thaj ulo šoferi. Avdive kerel transporto ko busi numero 17 an i relacia Zemun – Konjarnik. Ov vakerel kote o avdisutne manuša so keren transporti ko odova avtobusi ki šala vakerena kaj ko vakti kana vozinel e manušen ola oleske vakerena u pendžarutni replika taro o kultno filmi: “Vozi Miško”!
You tube: https://www.youtube.com/watch?v=cPQYEyJtENU
