Akana sig ko desave srpsko mediumia , startujngja “Astariba e čohaneske” tari rig taro nekobor agjaar anavkerde romane lideria, so paušalno thaj majtelune formaja mangen te keren diskreditacia nesave aktivitetia thaj buti. Majnaglal ple reakciaja irangja pe jekh taro akharde tari rog e Damjanović thaj Acković, a odova si o Presidenti taro IRU o Zoran Dimov.
Sar o Damjanović agjaar ko jekh thaj o Acković, istemalkeribaja ple korkoro nominirime funkcie funkcie anen e publikume ko duj gogja.
O proekti “Buti an o geto” tari rig e Germansko Penzisko fondeske (GPF) te šaj o Rom,a so si panda dživde a biame palo maj 1945 berš thaj phureder te aplicirinen dži ko GPF startujngja ple realizaciaja ko fevruari 2015 berš kote prekal akreditirimo advokato tari Germania sa o aplikantia phure Roma aokucurunen dži ko PGF so majodorig dikhen len e germaniakere ofisia.
Kerel pe buti te šaj te resen finansiko kompenzacia ko nekobor forme (majbut athinel ko kova peridoi si biame odola phure Roma).
„O majgogjaver Roma” sar so si o Jovan Damjanović thaj o Dragoljub Acković satrujngje ple pendžarutne arsenalea “manipulacia thaj nebuloze” thaj start e kampanjake te anen e publikume ko duj gogja!
O Damjanović ko nesave srpsko mediumia “šauđalno” startujngja te del lekcie kaj arakhlja “hovavipa” thaj nesave aktivistia keren hovavne bukja. Bizo argumentia thaj agjaar “tari baj” te vazdel plo rejtingo akcentiringja kaj ko kriso ka kerel kontrola prekal pire advokatia dali si čače odoja buti jali malverzacia.
O IRU Presdineto Zoran Dimov akcentirinel: ” O rajo damjanović na jekh, duj neka lel šaj em 10 advokatia thaj neka kerel kontrole kote so mangela”
O Dimov dopherela: O baro Rom Damjanović neka kontrolirinel thaj ko germaniakoro konzulato an o beograd kobor phure Roma leagrgjem odothe te den signatura ko dokumentia thaj formuularia sar fakti kaj si panda dživde thaj te zojrakeren personalno o germansko konzuli thaj palo odova odola aplikacie te bičhaven pe dži ko GPF an i germania!.
„ Ako me thaj me partneria taro Romane NGO an i Srbias hovava e Romen , olende dali hovavel thaj e Germaniakoro Govermento, so prekal plo konzulati an o Beograd so reslja o aplikacie ko piro ofiso te den signatura thaj štembilo personalno? Ako amen kera manipulacia, i Germanija da li kerel manipulacie, thaj oj si korori te dikhel kaj o IRU thaj me manipulirinaja?.
Te siem sine amen manipulantia e Germaniakoro Govermento ka kerel li korespodencia amencar ko akava proekto? – pučela o IRU presidento Zoran Dimov.
Ako o Damjanović siklilo sasto dživdipa kerel manipulacie , odova si oleskoro stili, numa odoleske akana jali majpalal ka oven arakhle te del džovapi bašo sa pire hohavina thaj manipulacie.
O aver “akteri” ko akala manipulacie si o Dragoljub Acković. Ov akana sig ko srspko mediumia sar “čačutno patrioti” khuvgja ko “filmi” taro Damjanović, thaj startujngja te del godi.
Ov vakerela kaj akava proekto baši reparacia e Romenge ko vakti taro Dujto Lumiakoro Mariba agorkergja panda ko 2006 berš, Link: http://www.vesti-online.com/Vesti/Drustvo/592550/Ackovic-Cuvajte-se-laznih-obecanja
Ov sar so korkoro vakerela kaj sine konektirime ko akava proekto tari rig taro IOM thaj kaj o Roma lele reparacia ko učipe taro 15.000 marke jali akanutne 7.500 eura! Akana sa akava so kerel o Zoran Dimov si manipulacia!
O presidento taro IRU bičhavel mesažo e Ackovičeske te džal dži ko Konzularno ofiso tari germania ko Beograd te kerel kontrola si li odova manipulacia thaj e Germaniakoro Govermento kerel manipulacia.
Baši informacia sar bašo Acković agjaar thaj bašo Damjanović , o Dimov vakerel kaj i teza taro Ackoveć an i konekcia e proekteske so agorkergja ko 2006 berš si salde hohavin thaj manipulacia. Akava proekto anavkerdo sar ” Buti an o geto” thaj o love baši reparacia e purane Romenge si direktno taro Germaniakoro penziakoro Fondi thaj si aktuelno panda.
Ake citati taro nominirimo advokati akale proekteske :
” Rajo Dimov,
O IOM thaj o Germaniakoro Penzisko Fondi so totalno diferentno situacie. I IOM Programa nane la khanči barabutne amare penzisko aplikaciaja.
I baza taro penzisko hakoa an o Germansko akti bašo penzie bašo eks geto bukjarne (ZRBG) – a na buti ko konc logoro.
O ZRBG sine ando 20.06.2002 taro germaniakoro Parlamento , thaj sine kerdi trampa taro Bundestago ko 15.07.2014, thaj odova sikavela kote o aplikacie šaj sine te tretirinen pe taro 30.06.2003 beršp thaj o akti te resen penzie taro juli 1997 berš sine ikavdo taro akti.
An i akaja verzia taro ZRBG si panda aktuelno thaj validno. Šaj panda te aplicirinel pe akale proekteske.
O citato taro akti si akava:
Akti 1
“Akava akti baši aplikacia si ko periodi kana buti keren sine sare okola so sine an o geto thaj zorea čhivde an o geto thaj te sine akala forme
1. Buti
a) o korkoro manuš te arakhel i buti
b) siklilo kobor te lel desave tikne love
2. O geto sine ko thana kote sine o Nacistia
O Acković asavke notiribaja kamel te kerel pe sar “majgogjaver” Oleskiri intencia si aver. Ov mangel plo kredibiliteto thaj rejtingo te vazdel soske pohari si bisterdo.
Nzuma o IRU presidento bičhavel mesažo kote nane odokhar lokheste te oven “bisterde” sa oleskere anglutne thaj akanutne kerde malverzacie taro Acković. „ Dali o Acković direktno konektirimo an o proekti taro IOM reparacia e phure Romenge na kergja manipulacia thaj haosi ki konekcia ko dende deklaracie taro phure Roma tari Srbia so “bičhavgja olen ko geto ko Solun”?. Odola falsifikatia so kergja len ste šaj resel pe reparacia e Romenge na kergja thaj ” paravni korkoro peske” te šaj šukar ov da profitirinel sar kompenzacia odole lovenge. Sar šaj sar žurnalisti te kerel odokhare baro kher an oo Beograd? Kotar sar žurnalisti te ovel le jahta?. Kotar odokhar bare love? Ko odova pučiba jekh drom e Dimoveske vakergja: „ Bikingjum i phuv drakhencar so sine dende taro miro papu”! O Dimov bičhavel mesažo: ” O Acković del raporto bašo kerde manipulacie thaj nebuloze so dengja len ko publikumithaj oleskere bičhavde daravina ko desave romane NGO tari Srbia te na oven partenria ko proekti “Buti ko Geto” soske posle odova ka ovel olen problemia olea. Ko odova čhani o Acković ” mangel te del suporto e Romenge!”. Daravinencar thaj manipulaciencar.
O Zoran akcentirinel kote trujal i Srbia an i Makedonia, Bugaria thaj Romania implementirinel pe akava proekti, thaj odothe da isi asavke “provokatoria” so pire vakerinencar bizo fakti thaj argumenti ” buvljaren infekcia” ko publikumi. Ko sa odola “rodaripa” sis salde jekh mesaži taro IRU Dimov: – Te keren fokusi te den suporto thaj ma te keren čhinavipa e phure manušenge. Te džan ki vizita e Germaniakere ambasadake an o Skopje thaj te pučen akava proekti si manipulacia jali čačipa. I Germansko ambasada an o Skopje manipulirinel li e Romencar so priminela len ko vizno ofiso te den piri signatura sra fakti kaj si panda dživde? Te kergje ola da manipulacia tegani me da thaj amaro timi manipulirinen an i koordinaciea e Germaniaja! – akcentirinela o Zoran Dimov IRU presidento.
