O portparoli tari eparhia an i Katoličko khangiri an o Wurzburg kote angleder trin divesa sine atako taro imigranti taro Avganistan ko treno kote ratvargja deše manušen rodingje taro germansko dizutne ma te keren atako upral imigrantia muslimania.
– O katolikia si ko šoko. O manuša gndinen kote o terositikane aktia šaj te oven salde ko majabre dizja, a na ko tikne dizja sar so si amari diz. Numa akana importantno si akava incidenti te na istemalkerel pe sra generalno fakti te kerel pe atakia upral o emigrantia, But si riziko te sugeririnel pe kaj ola savore si rizično manuša, vakergja o Markis Hauk, portparoli an i eparhia ko Wurzburg.
Prekal o Hauk ko treno so sine o atako sine nekobor lokalno katoličko sveštenikia so dengje suporto e ratvarde manušenge.
O avganisatnco so sine le 17 berša tovera kergja atako upral o dromarutne ko treno ko pašipa e dijake Wurzburg an i Germania, kote alo sar emigranti čahovo bizi opservacia so korkororadikaliziringja pe bzo te ovel konektirime islamističko grupencar. Ov anglutne sine pandžardo sar lačho muslimani numa na sar radikalno fanatiko.
