O hristiania an i Makedonia si čhivde ko majbaro hardžiba love kana kerel pe lafi baši prandin, dženaza jali babina, kote ko Muslimania si majeftino, a ko Katolikia i moldi si liberalno an i Makedonia.
Prekal i lista taro moldia tari Makedonikano hristiansko khangiri taro 25 dži ko 50 eura pukjinel i familia taro mulo manuš ki hristiansko dženaza te giljavgja jekh popo, . I moldi bajrola te giljavgje duj popia, odova da duplo. O momojlka kinena pe soske agjaar trubul vakeren tari Skopsko eparhia. 40 eura si i liturgia an i hangiri kana keren pe 40 divesa e muleske.
I babina si 50 eura plus momolja. O jeria e nevebiande bebeske pukjinen 15 eura, a o kumo 35 eura. Trin momolja baši babina si 2 eura.
I prandin si majkuč. Odolestar athinel si li ki ceremonia i liturgia kerel popo, jali valdika o moldia si taro 50 dži ko 100 eura, plus khangirakere harčia. Akava na pukjinen saldesocialno kategoria manuša te sine len dekreto-lil taro socialno ofiso.
Ko Islami isi moldia salde dženazake thaj nikaeske – prandinake. te alo odža ki dženaza bašo kerdo mevliti pukjinel 50 eura. Suneteske e odžaske na pukjinel p, numa šaj te mukhel pe te manglja bakšiši e odžaske. Na del pe love ni ki babina. Te avel odža ko kher te kerel nikjai i familia pukjinel 15 eura thaj ov em duj svedokia khuven signatura- potpis ko dokumento nikjaeske so si te hulavgje pe hramosarel kobor love ka resel i bori te mukhlja la o rom jali i familia.
I Katoličko khangiri an i makedonia meribaske – dženeza thaj biavenge rodel paše 10 eura.
Babinake na roden love soske odova si lačhe momenti soske i religia si la nevo manuš.
