Keren zori anglal sa o familie te oven olen elemntarno šartia dživdipaske. odoja bibaht si astarde savore o srblie, o hrvatia o muslimania o Roma. Si amen jekhutne problemia, so šaj kerel te ova panda majpaše. – vakeren o dizutne tari Srebrenica.
I komuna Srebrenica so gejnela paše 15.000 dizutne si teleperavde problemencar so si ko aver da manuša an o olakoro regiono a odova si tikno nivelo bukjarnipa, narespektiriba plesutne niamia thaj konstantno bajraripa taro ancionalizmo.
-I Srebrenica ko desavi forma si indikatori sa okova sio si an i Bosna thaj Hercegovina thaj an o regiono. Havljarin okoleske so ka ovel, amajanglal ovela akate. O pučiba soske iklilo o mariba an i Bosna thaj Hercegovina thaj pšanda nane faisali palo odokhar berša palo maripa. Okova so ulo ki Srebrenica panda nane faisalkerdo thaj si baro bagaži.
Kana kerel pe lafi bašo nacionalizmo, akcentirinena kote odova nane ko normalno manup numa veštački si čhivdo taro ekonomikano intereso.
Prekal o dizutne tari Srebrenica , ola vakeren kote personalno nane len nisavo problemo maškar peste thaj dikhena o barabutno interesi ko dživdipa maškar o Srblie, Hrvatia, Muslimania thaj o Roma.
Sa odova si čhivdo tari rig taro političaria.
