Paše 40 balkansko azilantia О roden azili ki dizjakiri katedrala an i germansko diz Regensburg.
Palo o udar hramosarela ” Kasa” thaj si thanjarde 40 azilantia taro Balkani , majbut Roma tari Albania, Kosovo thaj Makedonia so iklile taro kampo baši deportacia ko paše Inglostad ko dujtodi thaj rodingje azili an i katedrala.
Taro 2015 berš , i Germania dengja kvalifikacia kote o Montenegro, Albania thaj Kosovo si thema so si siguritetno, so sikavel kaj odola manuša taro akala thema nane len niami te roden azili. Anglutne ko odova berš asavko statusi resle i Makedonia, BiH thaj Srbia. nekobor humanitarno organizacie den kritika e akteske, argumentaciaja kote o niami ko buteder balkansko thema našti te kerel pe paralela e Germansko niamea thaj aver thema tari EU.
Ko nakhle 48 saatia o azilantia resen len hajbe thaj šeja taro humanitarno orgganizacie thaj taro aver manuša. Anglal i katedrala grupa manuša so den suportia čhivgje kampi sar solidariteti thaj keren zori te arakhen donacie e azilantenge. So ka ovel olencar akala dive niko na džanela. Ko maškar vakti i policia so kerel kolaboracia e dioceziaja vakaerel kote nane momenti reakciake soke o manuša resle khangirakoro azilo. Numa o šartia kote dživdinen o 40 azilantia so but phare. Ki khangiri isi salde duj toaletia kote i temperatura avrial si 30 stepenia prekal o celziusi.
