Ko maškarutne škole avdive kerel pe o dujto hramosariba taro junsko roko te šaj o sikle hramosaren pe ko avgo berš ko sikljojbaskiri 2016/2017 berš. O rezultatia taro hramosarde thaj tromale thanaka oven havljarde ko 6 juli.
O jekhto roko hramosariba ko maškarutne škole taro gimnazisko, stručno thaj umetnikani edukacia thaj sportsko akademia sine ko 28-to thaj 29 juni, a o rezultatia taro hramosarde thaj tromale thana sine havljarde ko 30 juni.
O prijaviba thaj hramosariba e siklenge ko avgustovsko roko ka ovel ko 24 avgusti, a o havljarde rezultatia thaj tromale thana si javer dive (25 avgust). O škole so ko duj hramosaribaskere rokia nane te pheren pe o thana zojrakerde prekal o dendo Konkursi taro Ministeriumi baši edukacia ka džan thaj ko 31 avgusti.
