O Krisia akharena pe prekal o kanonia , so nane le jurisdikciakoro zoralipa an i RM, a odova si agjaar navkerdo ” Šengen boreder kodi (Šengen simantrakoror-granicakoro kodeks).
O preperutne tari romani etnikani jekhin rodingje protektiva taro Krisia tari Makedonia thaj o Majučo Kriso, soske si peravde o ustavno garantirime hakoa tromalipaske taro phiriba thaj jekhiba. O Krisia butikeribaja mujal asavke aktia angje saste irame decizi.
O decizie so rinane pe o aktia jali iranen pe sar jekhniveloskoro kriseskiri decizia baši diskriminacia o krisia len propozalo kote i buti tari policia nane teleperaviba odolea so načhiven jekh a jekh i pozicia sebepi etnikano preperutnipa, thaj nane diskriminirime, thaj saste implementirinela o membro 5 Nukta-C taro Šengen border kodi, kote maškar aver vakerela “kote bašo khujbe ko thema tari EU na trubul..” te šaj sikavel i resarin sar ka džal odothe thaj si le li love te šaj ačhol desave divesa…” o Membro 5 legarel pe ko šartia sar te khuvel themutno taro trinto thema , kote sikavel kaj o membro si naadekvatno kana ikljol pe taro themutne tari RM so kamen te ikljon avrial tari Makedonia.
Ki definiriba ko akala aktia konstatntno lela than bašo šartia te ikljon taro thema na an o EU thaj nanipa garantno lil so si premal Šengen Border kodi maškar o aver o Aneks 1 – Fakti pherel li o šartia te khuvel, thaj NIKOTE na tergjol kaj trubul em garantno lil sar fakti.
