Anleder 15 divesa i Germania počmingja organizirime te iranel e manušen so rodena sine azili an i Germania. I tura taro 4 avtobusia chidingje angleder duj kurke em odothe sine majbut azilantia tari Makedonia, Montenegro, Srbia thaj Bosna thaj Hercegovina.
O transporti organiziringja o Govermenti atri Germania prekal i agencia “Eurolines” taro Montenegro. Akava raportiringja o NGO “Eurolines” koite akcentirinel kaj duj avtobusia chidingje taro Hanover, a duj taro Dortmund.
Premal olengere lafia vakeren kaj dži ko agor akale beršeske sa e dizutnen taro Montenegro ka iranen.
Majbut premal o lafia taro irame azilantia taro Montenegro, gele azilantia taro ekonomsko karane sebepi o čorolipa thaj nanipa šanse baši egzistencia.
Akala urgentno thaj majsig iraniba e azilantenge taro ex YU thema si sebepi i andi decizia kaj o thema sar so si Makedonia, Montenegro, Bosna, Albania, Srbia si notirime sar siguritetno thema thaj nane lenge riziko, a ko jekh thaj o abro numero resle imigrantia taro amribaskere reonia an i lumia, kote majbaro si tari Siria, Irak thaj Avganistan.
