I Romani mahala Stara Pruga ko Živinice , si riziko than dživdipaske. Organizirimi grupa jali individua, majanglal čorena a palo odova tharena o khera, sar ko filmia.
Salde duj divesa trubul sine i Ajša Rustić ma te ovel khere thaj te tharen olakoro kher dži ko fundamento. I bibahtali Ajša akana dživdinel ko improvizirimo kher kerdo taro kartonia thaj limeno tavani . I misteria taro thariba khera panda nane faisalkerdi. Udžarel pe i komuna te kerel reakcia, thaj pobut o Romane NGO.
Trubul te kerel pe presia . Kerel pe lafi e komunalno manušencar. Akanaske nane konkretno džovapi te arakhel pe alternativa e Sjšake.
Savore si holajme e informaciendar so isi ki mahala ko Živinice. Ko pašiša e khereske tari Ajša sis kher so sine anglutne thardo. Vakeren kote korkoro thargja la, Pučena pe sar šaj neko tharel korkoro pli muka?
O kher so thabilo čače si baro. Dikhel pe olate lačhi fasada. Majodorig isi thardo kher so si majtikno so sine thardo ki seria bare jaga. Moderno forma isi taro odova so ačhilo olatar.
Akava akti si sar te ovel daravin nekaske. Nakhle 6-7 masekoja. O Roma panda si an o šoko a akana thabilo o kher tari Ajša. Komart masek thabile 9 khera kote so muli jekh phuri da. I policia na kergja khanči thaj nane arakhle o manuša so kergje odova.
Rakjate arakhen patrola o korkoro Roma darana ma te tharel len neko. Ma te ovel olemngoro kher o avutno tharibaske?
Sar ka reagirinel i policia agjaar ka keren o Roma da te šaj iranel pe o dživdipa ki normala.
Sa dži tegani ola sako rat ka ikeren patrola a i Ajša ka dživdinel ko kartonsko kher.
Link: http://www.zurnal.info/home/kategorija/64/30
