Ko pervazia e proketske ” Tiknjariba o čorolipa thaj progreso ko šajdipa taro bukjarnipa e marginalizirime thaj teleperavdi grupa dizutne fokusea e Romane džuvljake an i Srbia” ki komunakiri hala an i komuna Vlasotince sine parafirime o kontrakto ko dejba granti sar ki aparatura ko korkorobukjarnipa ko pervazia e proekteske taro Help. Akava proekti implementirinel pe finansiko suportea tari Švedsko agencia internacionalno kolaboraciake an i konekcia e Sidaja, a kofinasisirme e resarno dizjencar thaj komunencar sar so si Leskovac, Kraljevo, Kruševac, Pijepolje, Vladički Han thaj Vranje.
Barabutno moldipa e proekteske si 1.820.295 eura, o moldipa e proekteske bašo Valsotince si 61.000 eura, dži kote i komuna dengja minimalno 2.666 eura. O grantia ki aparatura ko individualno moldipa taro 1.500 eura resle efta džene, granti taro 2.400 eura šov džene thaj duj grantia ko učipa taro 3.600 eura. Pandž aktivitetia si konektirime agrarea, ofto uslužno aktiviteti thaj duj zanatsko.
Resarin e proekteske si integracia e marginalizirime Romencar thaj aver socialno teleperavdi grupa an i Srbia motivaciaja ko korkoro bukjarnipa thaj aktivno leiba than ki berza bukjake trujal parktike, bukjarne ofisia, grantia an i aparatura thaj netvorko.
