I mahala Crvena Zvezda an o Niš. si jekh taro majčorole romane mahale an i Srbia. Akaja mahala si 60 berša ki phuv taro niško ciglana, so akana si privatno gazdaskiri phuv. O akanutno gazda rodel tari diz te dislocirinel e romane familien akatare, numa taro lokalno legaripa thaj funkcioneria ni jekh na del adekvatno trampa thaj aver lokacia, thaj o problemi ačhola sar bizo faisali.
Avdive o Roma si dujto majabri nacionalno minjoriteti an i Srbia. Ko vakti taro sicialistikani Jugoslavia sine sporno si li o Roma sar etničko grupa jali nacionalno minjoriteti, numa bizi dilema ko odova sistemo sine majlačhe šartia dživdipaske , trujal so si avdisutne vaktea. Ko odova periodi but lokheste arakhel pe sine buti numa avdive, thaj sine majbare šanse te kerel pe kher . O procenti taro bizi buti Roma ko odova periodo sine paše 20% numa avdive odova nivelo si but majbareste.
Premal agorutni statističko operacia taro gejniba e dizutnen ki Srbia isi 147.604 Roma, numa naoficialno ola si paše jekvaš milioini Roma. Prekal i statistika ko 120 komune an i Srbia oso 523 romane mahale kote isi upreder 100 Roma, numa mahale kote o numero taro Roma si majtikno taro 10 nane pendžardo.
Link: http://rominfomedia.rs/legalizacija-odrzivih-neformalnih-romskih-naselja/
