O Tajson Fjuri havljargja angleder deš divesa kote ko treningo prastajbaja ratvargja plo gluždi taro pro, thaj akana valjani ma te ovel le boks meči e Vladimir Kličkoja sar revanši.
O doktoria vakergje kaj trubul te kerel pauza 6-7 kurke.
O Fjuri dengja džovapi ko komentaro taro Kličko kote keren leske pararela e Hitlerea.
„Akava si mesaži dži ko Vladimir Kličko. Ov kergja paralela mancarem e Hitlerea. O Vladimir fakti si kote nane le edukacia ko akava pičiba thaj našti havel kote o Hitler mudargja šel milenacar Roma, te na em milionia. Te anavkerel man agjaar odova si phare , but phare lafia. soske but mle parapaia sine viktimia ko masovno mudaripa taro Hitleri. Te na bistra kote tire manuša o Ukraincia sine stražaria ko logoria kote me manua sine mudarde. Amen o duj džene šaj khela amen , tu dilino ukrainsko manuš”.
Ko jekh sar egzamplia taro anaboličko steroidi nandrolon arakhle si ki kerdi proba doping kontrola so si lende taro Fjuri an o periodo taro fevruari dži ko mart 2015 berš, anglal o meči e Kličkoja hramosarel o The Mirror.
Akcentirinen kaj odova si o fakti sebepi so odložinela pe o revanš meči e Kličkoja trujal so o auditorium akcentirinela kaj i karana si – ratvardiba.
“Našti mukha meči bizo te ova 100% siguritetno ko legaliteti taro Fjuri”, vakergja o Mik Henesi , promotorie taro Fjuri.
O revanši trubul te ikerel pe ko Mančester ko 9 juli.
Link: https://www.youtube.com/watch?v=I47vzuY3d9c
