Deš thaj ofto masekoa palo ikljojbe taro garaviba ki jekh khangiri ko Toronto , Kanada jekh romani familia emigrantia ko štartodi irangje pe palem ki diz pali andi decizia taro Govermento bašo olengiri stop deportacia.
Te šaj ačhon an i them i familia Pušama garavgja pe ki khangiri ko Toronto ma te oven deportirime ki pli biandi them Ungaria.
Persi štartodi palo 18 masekoa garaviba tari deportacia tari Kanada o Josef Pušama, i romni Timea Darosči thaj olengiri čhaj i Viktoria (Lulu) suportoa tari organizacia so si mujal deportacia e emigrantonge.
“Me sem bahtalo thaj kama te ovav tromalo. Akana sium sar khere” vakergja o trušalo Pušama, sar ov thaj oleskiri familia iklile ko simantrakoro terminali ko aeroportoPirson, aplauzea tari rig taro nekobor membria tari organizacia Windermere Unimi Khangiri taro Roero house.
“Nais kerva e Kanadake neve tromalčipaske so dengjen la mange thaj me familiake. Akana sime tromale manuša”
I Barbara Šefild membro ki khangiri vakergja kaj si bahtali so kergja pe akale familiake.
“Sine amen pharo maripa ko nakhle trin berša thaj akana si ok. But droma siem sine but tele ko proceso, numa avdive utsavalkeraja. .Odova si but lačhe kana isi but šukar bukja an i lumia.” vakerela oj
O familiarno amala Paulina Derbez vakerel kaj si napakjajbaske te dikhel pe o Pušama palal.
“Sako kerela buti phareste tre šaj parvarel ple familia. Amen ni jekh drom na cghidingjam amen. ” vakergja i Derbez, so grabungja e familia sar olakoro da rom o Martin Bojd thaj olengiri čhaj i Isabela, so kergja kartoni sar bahtarin e tikne Lulu.
