Deiba mesažia thaj teskti kinibaske aluminiumsko folie bare moldiencar, majbut arakhen pe ko socialno netvorko, forumia, internet sajtia bašo bikiniba. Okola so kinen akaja folia majbut dena taro 130 dži ko 700 eura bašo kg folia taro kutie cigarenge, numa o numeria so mukhen thaj o e mailia bašo kontakt si navaldino thaj nafunkcionalno. Akaja mania si buvljardi ki sasti teritoria tari Ex Jugoslavia. Fakti si kote sa akava si salde lafia thaj špekulacie, thaj ni jekh nadžanel saste ko kinel akala folie so si len rupuj thaj somnakaj.
I fama startujngja bašo kiniba asavke folie prekal socialno netvorko thaj buvlili sar informacia maškar savorende. O lafi sine kaj isi firme – kompanie so kinen asavke folie bašo stomatološko artikliribam thaj firme baši reciklaža. Akala si pirane hohavne storie so sine angleder da 50-to berša taro 20 veko. Sa o generacie nakhavgje asavke manie. O folie na kinena pe, numa o dahaneskere- cigarengere kompanie, kinena asavke folie ko rolne bašo te keren o pakovke.
Sar egzamplo tari akaja hovavni mania si kana ko sig vakti desavi firma anavea “Milekomerc” taro Čačak, R.Srbia, ko plo FB profili dengja oglas kaj kinel folie moldiaja taro 130 eura bašo kg. Bašo duj divesa sine upreder 1000 komentaria thaj dena sine ple mobilno numeria te šaj bikinen i folia so khedingje la. Palo duj dive ali definitivno informacia kaj o e mailia, thaj o telefonja si nafunkcionalno thaj navalidno, thaj akaja firma na kinela nisave folie cigarenge.
Link: http://www.bankar.me/2015/01/06/internet-prevara-na-koju-su-nasjeli-mnogi-gradani/
