Paše 30% taro familie an i Makedonia ko masek isi olen paše 100 eura. Olengoro šerutno kapitalo si penzie, socialno, thaj love prekal Western Union jali Money Gram. Akale problemea arakhena pe 75% taro Roma an i Makedonia.
Akala informacie sikaven i kerdi anketa taro “Hardžiba an o familie ko 2015 berš” so havljargja o Ofiso baši statistika.
I analiza sikavela kote o diference e lovenge ki familia legarena pobuter taro 11 droma thaj salde 6.3% taro anketirime šaj saste te čajljaren ple dživdipaskere artikliriba.
Prekal i anketa taro Ofisi e statistikake pobuter taro 56.000 familie ko berš isi len 1278 eura, jali salde 106 eura ko masek.
Akaja grupa taro familie praktično si majčorolea i analiza so sikavela kote olendar paše 14.8% o love lena prekal buti, a 44,4%taro penzie thaj 14.5% taro socialno.
Mujal akaja kategoria , o majbarvale makedonikane themutne sar familia ko beršeskoro nivelo resena 14.555 eura jali 1.212 eura ko masek, so si paše 12 droma majbut taro majčlorole familie.
