O azilantia vakerena kaj si ko riziko pali andi decizia ko tikno roko te kerel pe deportacia.
Ko agor e masekoske april o germansko govermenti informiringja e Hidaet oleskere romnja thaj e čhija kote olengoro rodaripa bašo azili si iramo. Sine lenge dende jekh kurko tajmingo te džan peske, trujal so ola odothe sine duj berša.
Trin kurke palo odova i germansko policia kergja racia an o kher taro Hidaeti ko Hamburg. Niko na sine khere. Ola suportoa taro aktivistia sine garavde. O Hidatei, oleskiri romni thaj i čhaj si Roma, minjoriteti so lungo vakti isi segregacia thaj diskriminacia an o Paščimalo Balkani . I familia Hidaet avel taro Kosovo, so anglal te rodel azili ki Germania dživdinen sine an i Srbia. O Hidatei daral te sine astarde ka deportirinen olen plala ko Kosovo kote šaj te ovel atakujme.
“Našti iranav man an o Kosovo, soske ko vakti taro mariba me sium sine mobilizirime taro srpsko askeri”. O Hiadeti vakerela kaj ov si muslimani, a oleskiri romni hristianka thaj nane te oven akceptirime taro srbiakoro thaj kosovakoro sasoitnipa.
“Me salde jekh mangava a dova si te ačhovav an i Germania, kote mange si majsiguritetno .
I Germania ko 2015 berš kergja barabutne 20.888 deportacie. Paše 75% si taro thema taro Paščimalo Balkani kote trin droma si majbut ki paralela taro 2014 berš kote o intenziteti tari deportacia barilo ko avgo 4 masekoa e beršeske kana alo ko takati o nevo kanoni an i Germania so sine ando ko oktomvri persi berš sar “siguritetno thema” čhivgje e Kosovo ki lista barabutne e Albaniaja thaj Montenegro. Anglutne ki lista “siguritetno them” an i Germania sine notirime o tehna taro paščimalo Balkani so si avrial tari EU a odola si : Srbia, Makedonia thaj Bosna thaj Hercegovina
Link: http://www.irinnews.org/news/2016/06/15/roma-fear-paying-price-germany’s-“safe-countries”-policy
