I komuna Šuto Orizari – si komuna so preperel e dizjake Skopje thaj si jekhutni romani komuna an i lumia kote o Roma si butipa thaj isi len plo dizjakoro šerutnio so šaj implementirinen ple nacionalno niamia. I komuna si ko nord kotor taro Skopje. Dizjakoro šerutno si o Elvis Bajram. I komuna Šuto orizari si ki simantra e komunaja Butel, ko south, Čučer Sandevo ko nord. I komuna Šuto Orizari uli palo baro phuvjakoro tinaniba ko 1963 berš . Palo nevikeriba e dizjake Skopje, ki akanutni teritoria počminge te aven but romani populacia.
Avdive i Šuto Orizari si ki periferia e dizjake Skopje . Po hari taro formiriba e komunake Šuto orizari oj počmingja te ovel la forma tari urbano mahala. Vaktea i komuna Šuto orizari ovela thaj administrativno thaj kulturakere institucie. Ko 1996 berš Šuto Orizari barabutne e duj e gavencar ko pašipa Upruno thaj Teluno Orizari formirinena individualno administrativno jekhin Komuna Šuto Orizari. Sar so o anava sikavela i ekonomia an i komuna si katastrofalno, soske ni jekh na legarel bari sama e komunake E Romencar majlokheste kerel pe manipulacia, sar ko normalno vakti agjaar thaj ko vakti taro alusariba, kote si i politika sar taro Roma agjaar thaj taro aver na roma političaria.
Akava si soske o Roma si majčoroli populacia sar an i lumia, agjaar analogno thaj an i Makedonia soske o sistemi e themakoro valjani te kerel majbaro suporto e Romenge.
Prekal kerdo registracia i Komuna Šuto Orizari ko 2002 berš isi la 17.357 manuš kote:
962 (5,5%) Makedoncia
13.311 (76,6%) Roma
2.594 (14,9%) Albancia
138 (0,7%) Bošnakia
55 (0,3%) Turkie
44 (0,2%) Srblie
253 (1,4%) aver
I komuna Šuto Orizari si ko prostor 7,48 km² thaj 2.780,75 manuša ko km².
Ko saikerin e komunake khuvel thaj Upruno Orizari.
Ki komuna Šuto orizari isi 2 fundavno škole a taro 2014 thaj i avgo maškarutni škola. Jekh taro odola fundavno škole legarel o anav ” Phralja Ramiz thaj Hamid” kote o čahve trujal i makedonkso sikljoven thaj i romani čhib . I aver škola anava legarela “26 juli” kote sikljovela pe ki albanikani čhib. I maškarutni škola anavkerdi si ” Šaip Jusuf” thaj si investicija ko učipa taro 1.600.000 €.
Ki komuna isi thaj ambulanta kote sasljaren pe sa o dizutne taro Šuto orizari, thaj taro paše gava Brazda, Ktčevište, Pobožje thaj aver. Isi nacionalno menza e dizutnenge tari komuna so lena hajbe 5 dive ko kurko. Trujal demografsko , i romani thaj i makedonikani čhib si oficialno čhib an i Šuto Orizari. Ko jekh thaj albansko čhib kerel pe trujal so ov nane oficialno čhib. Dizjakoro šerutno an i komuna si Elvis Bajram, etničko Rom. Ko 2009 berš i republika Makedonia lela dopherde akcie te bajrarel o numero taro Roma an i edukacia.
