O sherutno e komunake Šuto Orizari, o Kurto Dudush Kuco, informirinela basho protesti angleder o ofisi e dizjake Skopje ko 13:30 ko Parashtuj (22. Novembro). O sebepi e protestesko si o bilačhi situacia e buseskere transportea, so kerel bare problemia e dizutnenge.
– Amen siam sako dive odole problemea – o dizutne saatencar udjarena busia. Amen nashti te mukha amare chave, djuvlja thaj phure te adjikeren ko akala minusno temperature, palo duj-trin saatia busi, so podesavo drom avela a shaj em ma te avel vakergja o Dudush ko video notacia ano olesko facebook profili.
Ov vakergja kaj o protesti ka ovel tromalo em akhargja sa e dizutnen, bizo dikhipe e etniteti, te len kotor, soske o problemi e buseskere transportea si ki sasti diz.
– Akava nane numa o problemi ko Shuto Orizari. Odova si problemi savo akceptirinel em sasto Skopje – akcentirinela o Dudush.
O sherutno vakergja kaj o protesti pakjal kaj ka kerel reakcija ko institucie thaj kaj ka lenpe konsekvence te shaj lacharel pe e buseskoro transporti an I diz Skopje.
E dizutne kotar o Shuto Orizari si len bare problemia soske naj len buseskoro transporti, maj but ko palune shudre divesa. O nashtipe te resen ki buti, ki shkola ja ko doktori ko vakti forsirinel e dizutnen te roden alternativno solucie, sar so si taksi transporti, so but pharo kerel olengero budžeti.
