Ko avgo kvartali taro akava berš an i evidencia baši buti an i Srbia si notirime kaj ki buti khuvgje 754 Roma, so ki paralela persi beršea o numero barilo bašo 104,7%, akcentiringja o ministeri baši buti, bukjarnipa, maribaskere thaj socialno pučiba Aleksandar Vulin. Ov vakergja kote persi berš an i buti khuvgje 1.993 Roma. Ov notiringja kote o numero akale beršeske ka ovel nakhavdo.
O Vulin lipargja kote o bukjarnipa e Romenge si jekh taro šov kategorie kote te sine bukajrne ka oven subvencionirime o gazdia e firmengere lovencar tari them. O ministeri vakergja kaj šerutno problemi ko bukjarnipa e Romenge si i naadekvatno edukacia , numa i them kerel zori te arakhel nesavo modaliteti te šaj odova problemi fauisalkerelpe.
O Vulin preciziringja kote ko barabutno numero taro registririme bizi buti an i evidencija taro 22.930 Roma, 88% olendar si bizi adekvatno edukacia.
