Ko 12 juni 2016 berš – kurko taro 23:15 an i TV B92 e dikhutnen sine len šajdipa te dikhen duj filmia taro seriali “Zapendžaren e Romen”.
Ko jekhto filmi “Jekhto truba” den pe pobuter pučiba ” So si tuke i truba?” O toni taro biando than? Srbikano brendi?, Kotor ko sako utsavalipa?. Pobaro kotor tari Srbia khelen thaj giljavena ko ritmi taro trube o autori e serialeske pučela nesave virtuozen an i truba, so si i truba jekhe Romeske?.
O džovapi ko akava pučiba dena o majpendžarde romane trubačia tari Srbia sar so si o veterani ko akava instrumenti o Boža Mladenović, o aktuelno thagar an i truba Saša Krstić thaj o 11beršengoro Nikola Krstić. I storia e trubačenge počminel ki Guča a agorkerel ko ilo e romane trubačeske.
Ko dujto filmi: Elenia thaj mustanzia o dikhutne zapendžarena pe e kriket ligaja thaj i reprezentacia so akana ko meči e reprezentaciaja tari Bugaria viktoriringje . Importantno si o reprezentativcia tari Srbia so margje e bugarsko reprezentacia sa si Roma. Akala Roma isi len duj kriket klubia. O dikhutne ka zapendžaren pe e bukjaja thaj e sukcesencar so legarena anava “Eelenia” thaj ” Mustanzia”.
