But hari si okola so kop ple dživdipaskere riga thaj kariere hramosargje bare lafenbcar sar so si i Esma Redžepova (72) i thagarutni e romane muzikake. Oj ki pli paše šov deceniengiri kariera sine ko 23.000 koncertia an i sasti lumia taro humanitarno karakteri. Oj lelja than ko majrenomirime muzikakere festivalia, reslja but bare phursakoja, bajrakergja upreder 48 čhaven kerel humano aktiviteti thaj kerel afirmacia e romane muzikake. I Esma dži akana duj droma sine nominirimi bašo Nobelovo phursako tromalipaske.
Oj akcentirinela kote tari rig e Humanitarno organizaciake baši Utarpurabali Europa thaj Balkani po trinto drom si nominirimi bašo Nobelovo phursako. Aso o propozicie, asavke phursakoske šaj te ove nominirime majbut efta droma! – vakerel i Esma. Sar egzamplo kamav te vakerav kote i Mother Tereza sine nominirime efta droma, thaj ki eftato nominacia oj reslja te lel akava baro phursako, odoleske pakajava kaj me da šaj te kerav agjaar. – vakerela i Esma.
Kama te resav akava phursako soske odova ka ovel bari sadisfakcia na salde mange numa thaj saste Utarpurabale Europake thaj e Balkaneske. – potenciringja i Esma Redžepova
Link: http://www.novosti.rs/vesti/scena.147.html:607472-Esma-Redzepova-Treci-put-jurim-Nobela
