O Amir Pećaninović si terno Rom taro than Živinice an i Bosna. Agorkergja maškarutni Medicinsko škola an i Tuzla thaj sine jekhto Rom so sine ki akaja škola. Majšukar sukcese pakajala sine kaj ka džal ko Medicinakoro fakulteto.
Odova sine. Gelo ko fakulteti, položinda sa semestria ko dendo roko taro jekhto berš studie thj palo odova čhinavgja o studie.
Leskoro dad trubul sine te alosarel maškaro o duj phralja. Jal o Amir te džal ko fakulteti, a tikno phral te ačhol bizi maškarutni edukacia, jal o Amir te čhinavel o fakulteti, te rodel buti, sar te o tikno phral te džal andi škola.
O Amir korkoro angja decizia. Ov na manglja leskoro phral te ačhol bizi maškarutni škola.
Ov nikana na džuvdinda andi romani malava. Ov sine avgo drom so gelo ki fundavno škola. Taro starti sine majšukar sikloo.
-Nikana na sine desave problemia . Sium sine siklo super sukcesea thaj sa pandžengere. Numa palo odova ulo mange jekh baro bilačho momenti – vakerel o Amir.
Ko eftato berš ki fundavno škola sine jekh mitingo e. O klasno profesoro avilo dži ko Amiri thaj vakergja:
-E Amireske nane man lafia. Majšuka siklo thaj čahvo si an o klasi
-Sar šaj jekh Rom te ovel majšukar amendar? – holjame vakergja jekh taro jeria
Palo desave dive pali škola ki avlin udžargje e Amire desave čhave, astargje le thaj marde le.
Sine akahrdo jeriengoro mitingo , thaj o direktori e školakoro dengja lafi kote asavko incidenti nane te ovel panda jekh drom.
Palo odova pobut na sine nisave problemia nikana – vakergja o Amir
I fundavno škola ov agorkergja la sar majšukar ki pli generacia.
