Te mangle te mutren palo 22 o saati rakjate, o 28 čhave maškar so isi em okola so si pherdeberšengere phanle ko Phanlipa e adolescentno personenge “Tetovo” , ola uririnen an o plastično flaše so arakhen le uzal šerand ko thana kote so sovena. O flaše čučarena le javinate kana o sekjuriti ka phravel olengere kelie.
Trujal akaja informacia o Nacionalno Ombudsmani prezentiribaja akava raporto baši i situacia e čhavencar ko PAP “Tetovo” momentalno o phanlipa si dislocirime ko Ohrid , havljarel thaj aver šokantno informacie so havgje olen kana kergje diskusia olencar.
Ko jekh ila vakeren kote kana si jevend šaj nanjovena salde jekh drom ko kurko, a ko nilaj trujal so isi khameskere kolektoria šaj nanjon salde duj drom ko kurko. Nane len udara thaj zavese ko toaletia nanjgaripaske thaj aso o vice obdusmano Vaska Bajramovska – Mustafa nane len privatiteti kana nanjona thaj kana džana ko toaletia.
Ko phanlipa nane len ni doktori, thaj akana si nasvale o sekjuriti dela len i terapia so si hramosardi taro doktori taro Sastipaskoro ofiso an o Ohrid. Ni jekh taro čhave nane len sastipaskoro siguriteti.
Ko desave phanel adolescentia isi hepatiti, a ni jekh olendar na istemalkerel droga. O Hepatiti šaj astarel pe prekal kerdo seks maškar o phanle odothe.
O Ombudsmani si bibahtalo, sar so vakerela i Bajramovska – Mustafa so na dikhel pe o fakti so maškar o phanle čhave si okola si sine len thaj upral olende kerdo seksualno terori thaj ko than ola te oven hulavde taro avera phanle, savorenge dena pe kondomia, so odola kerel pe šhanlipa te šaj len pe faktia kana bi ovel desavo seksualno terori maškar o phanle čhave.
“Majbibahtale si kana kergja pe vizita ko sastipaskere biografie e čhavenge sine konstatirime kote 15 čhavenge si dendi terapia tabletaja ” diazepam” diveseskere dozaja taro 05, dži ko 20 miligramia” zojrakerela i Bajramovska.
Link: http://sdk.mk/index.php/makedonija/ombudsmanot-alarmira-doktor-mengele-vo-zatvorot-za-maloletnitsi/
