E europakere ekonomistia ale ki idea, te šaj ikaven e eurozona taro riziko, sakone EU dizutneske te den len po 500 eura, so ka šaj te kinen so mangena, bizo te iranen o love, jali te pukjinen kamata odole lovenge.
O akcenti akale ideake si i Europa te kerel motivo o dizutne te kinen majbut. An i eurozona si problemo kana o dizutne na kinena but sar so si akana ko momenti. Akava nane avgo drom akale ideake so notirinen andre ki EU. Nesave thema akava akti kergje ko vakti tari kriza te del motivi e klientelake. I Germania thaj i Francia sar egzampli angleder dengje po 500 eura ple dizutnenge te kinen kherutne artiklia.
I logika so legaren o ekonomistia si akaja- o dizutne so ka len akala love, ka džan te kinen thaj te hardžinen akala love. Sar antvorto odoleske , o kompanie ka keren majbaro artiklipa, ka čhiven ki buti majbut bukjarne so ka anel ekonomsko baripa, thaj baripa e moldienge.
Ko momenti tari sa pophari situacia an i eurozona o ekonomistia sa majbut proklamirinena akaja idea.
Link: http://www.telegraf.rs/vesti/2161167-evropa-poklanja-svima-po-500-evra-i-ne-morate-da-ih-vratite
