E Europakiri komisia legarel krisoskoro akti mujal i Ungaria, soske isi baro numero romane čhave so sikljon ko škole sebepi mentalno hendikepo, thaj i diskriminacia e čhavenge ko normalno škole.
Ki vaktavin taro EU notirinela pe kaj kerel jekhunto nivel e romane čhavenge an o edukaciakoro procesi thaj jekh nivelo šansa baši buti thaj konekcia an o Ungariakoro sasoitnipa.
– An o oficialno lil notirinel pe i sevdža sebepi o kanonia thaj adminsitrativno praktika an i Ungaria so kerel diskriminacia e roimane čhavenge an i edukacia – notirinel o portparoli an i Europakiri komisia , Kristijan Vigand.
O Roma an i Ungaria si majčoroli etnikani jekhin , dži kote e ungariakere govermentoske dendo si vakti taro duj masekoja te den džovapi an i akaja informacia tari rig e EK.
O analitičaria vakerena dži kote o Ungaria na kerel lačhe džovapi i EK ko Brisel ka del o aktia anglal o Europakoro Kris manušikane hakoenge, so šaj resel la lovengiri globa e Budimpeštake.
Asavke alarmia si bičhavde anglutne tari rig taro EU e themenge Čehia thaj Slovakia.
