Dena tumen godi ki Nokia? Pakjaja kaj oja, o brendi so kerela sine mobilno telefonia. Zorale telefonia so šaj sine te ikeren but bukja, telefonia so šaj sine efta divesa te keren buti bizo te pherel pe i bateria. Odola sine lačhe divesa.
I finsko kompania nikana na geli, numa amen čhinavgjam te dikha o diferentno Windows telefonia so sine lende taro Microsoft, kana ola sikavgje pe kaj si bizo baro šajdipa thaj na odokhare interesno sar so sine o Androidi thaj IOS telefonia.
Numa nane than baši gajlja, soske o Nokia brendi iranel pe napala, sebepi i licenca del e finsko kopmpaniake HMD te bikinel telefonia telal o anav Nokia ko avutne berša. O artiklo ka ovel kerdo tari FIX , sar paše kompania e FoxCon.
Odova kontrakto na konektirinela i Nokia Tehnologia (momentalno forma taro telefonsko brendi)
kiniba savo kapitali an o HMD , ko than odova ka ovel kontrolirime autorsko licenca bašo iranipa olengoro anav thaj o standardno mobilno patent licence. O etikerime Nokia artiklia taro HMD ka oven kontrolirime te šaj oven siguritetno kaj ola si taro zero so udžarelape taro odova brendi.
Premal o direktori taro HMD, Arto Numela, akava akti si kerdo trujal instantno prependžardo anav tari Nokia.
“Saste ka ova fokusirime ko keriba unificirimi paleta Nokia brend telefonia thaj tabletia, okolenge so ka džana kote ka oven mangle tari klientela” vakergja o Numela. “O brendiriba ulo kritično diferentiatori ko mobilno telefonia, odoleske amaro biznis modeli si fokusirime ko unikatno prioriteti tari Nokia brendi thaj amaro lungoberšeskoro džanlipa an o bikiniba thaj marketingo”.
Ko than te operirinen e Windows OS sar so si olengere akanutne modeli , o neve aparatia ka oven kerde prekal Android platforma.
