Avdive notirinel pe o dive taro makedonikane mujaljagakere bukjrane. Ko avdisutno dive angleder 178 berša sine formirime o avgo mujaljagakoro ofiso an i Bitola.
Ko konteksti si moldime te vakerel pe kote ko thavdipa taro 2014 berš , i teganutni romani TV BTR Nacional thaj i SP Produkcia ki konekcia e produkciaja “Studio 7″ taro Skopje kergja jekh dokumentarno filmi lipardo e Muzafer Šabanov, jekhutno profesionalno mujaljagakoro bukjarno Rom an i Makedonia. O dokumentarco legarel sine anav ” Mujaljagakoro bukjarno Muci”
O naratori akale dokumentarcoske vakerela bašo jekh incidenti so ulo ko 2001 berš ko vakti taro maripa an i Makedonia, kote sine ov da direktno involvirime.
Odothe noririnela aktia tari pli profesia sar mujaljagakoro manuš thaj del statistikane informacie so ule o bare jaga kote so ov dživdinela. Ko dokumentarco ko jekh isi kotora taro oleskoro sakdoiveseskoro privarno dživdipa thaj o impresie tari oleskiri paše familia baši oleskiri riziko profesia. Ko majodorigutno kotor dela naracia kote lelja than ko čhinaviba bare jaga kote ki jekh intervencia tari bari jag sine ko riziko o dživdipa taro duj tikne bebia, bliznakia taro jekh berš, kote reslja te del suporto jekhe čhaveske, a o dujto našavgja plo dživdipa. Naraciaja thaj video materialea notirinela i bari katastrofa so uli ki Romani mahala Cigrlana kote so saste thabile 24 khera.
Ko jekh isi detalia sar ikerel praktika e Romenge sar te arakhen pe ko momentia kana isi len bare jaga. Ko agor taro dokumentarco o šerutno protagonisti bičhavel mesaži e terne generaciake, te špaj te mangel akaja profesia thaj te aplicirinen, soske trujal so si riziko profesia oj si taro baro humano aspekto.
