O mediumia ki Špania vakergje kaj ko maškar taro masek juli lokalno grupa kergja atako upral Roma ki tikni diz ki Andaluzia , Peal de Besero (Jaen). I grupa majanglal čorgje thaj palo odova thargje šov khera kote dživdinena Roma.
Paše 30 Roma iklile taro pire khera sebepi akala atakoa. Vakerel pe kaj jekh manuš 29 beršengoro gazda taro jek lokalno bari kergja em sine motivi taro akava incidenti.
Prekal o svedokia o gazda e klubeskoro vakerena kaj sine le čhingar 4 Romencar so akana I policia kerela rodsaripa. Duj taro odola Roma akana si ko phanlipa.
O phanlipa akale duj e Romenge sar ten a sine but e amalenge taro o gazda ko bari thaj o aver dive ola akhargje panda manušen te keren protestoa mujal o Roma tari akaja mahala. Sar principi kaj sa o Roma si došale so olengoro amal si mudardo. Akala atakia upral I Romani jekhin protestiringja em reagiringja o deputato Ismael Kortes (Undas Podemos), so akhargja e Ministeriume andrune bukjenge te kerel protektiva e Romane familien.
