O Roma tari bitolsko mahala Bair kote o šartia dživdipaske sii but bilačhe . taro masek septemvri akava berš ka šaj aplicirinen dži ko Fondi bašo renoviribe e kherenge taro romane mahale (HRF) finansirime tari EU. O Fondi ka arakhel love e Romenge te keren tamikeribaskiri intervencia upral oo khera, taro čhijbe PVC udara thaj džamia . keriba nevi fasada thaj rekonstrukcia e učharinake . Šerutno kriteriumi si o kher te ovel legalizirime.
Akalea ka lačharen pe o šartia dživdipaske ki akaja mahala, a ko pervazia e proektoske “Bair – Barabutni akcia e Bitolake ki inkluzia e Romenge” putardo si ofisi ki mesno zaednica “Dimitar Vlahov” so dela suporto e Romenge ko aktia baši legalizacia e objektonge thaj hazrkeriba I dokumentacia ko istemalkeriba o love taro nevo fondi bašo renoviriba.
