O Hrvatsko web portali ” News bar” , arakhlja motivi te kerel jekh artiklo sar “kalo humor” khelibaja majtapi e Romencar sar tari Hrvatska, agjaar da e saste Romane populaciaja.
Ko than reakcia thaj keriba akcia te čhinavel pe o predrasude, diskriminacia thaj buvljaripa na tolerancia , o web portali ” News bar” hramosarel “hovavno teksti”.
Ko teksti hramosarel akava: ” Pali seria atakia ki romani mahala Kozari ko Zagreb, o Roma sar nomadia počmingje te džan ko javer siguritetno than, ko konc logori Jasenovac.
O motivo si sebepi o atakia upral o Roma ko Kozari, migririnen ko Jasenovac, te šaj kontrolirime dživdipaja te oven siguritetno.
-Odori isi bariere thaj žica so ka arakhel amen, thaj isi than kote te dživdina sarine. Šaj odori ka maren amen, ama bombe nane te frden amenge – akcentirinela jekh Rom kote pe familiaja sigjarutne džana sine ko treno so ka legaren olen an o Jasenovac.
Akale egzodusiske taro Roma plo dikhiba sine thaj o Zlatko Hasanbegović ministeri baši kultura.
– O Roma taro sa vaktia si namodia thaj nane odova khanči čudno so palem džana ki migracia. O romane čhave pphareste integririnen pe ko edukaciakoro procesi , soske nane len koncetracia, em odoleske akana amen ka koncetririna olen.
Plesutne ka dav inicijativa ko Jasenovac te čhiven lenge em tuši em plini te ovel olen majkomotno momentia dživdipaske – vakergja o Hasanbegović
Pali havljardi informacia kaj masovno aven o Roma an o Jasenovac , plo than odothe ki komemoracia ko 22 aprilo havljargjhe thaj sa o 389 HSP partie..”
Morbidno thaj agorutne nalačhe
