Paše biš romane džuvlja taro Kumanovo o nakhlo kurko lele than an i proekti “Teloikerin e romane džuvljake thaj taro aver etnikumia an o marketi bukjake” so implementirinel o khidipa e dizutnengoro tari Makedoniasko centari džuvljani hakoenge Šelter Centro Skopje an o kerdo partenr komunikacia e Centareske tari romani jekhin ” Drom”.
O membria taro Centari baši buti an i informativno sesia prezentiringje thaj educiringje e kandidaten bašo o aktia taro bukjarnipa, korkorobukjarnipa thaj subvencioniripa, thaj profesionalno edukacia.
-O nakhlo kurko an o Kumanovo organiziringja pe informativno sesia taro saranda džuvlja so si konektirime an o proekti. Olendar prekal kerdi selekcia ka oven alusarde 20džuvlja kasaja ka kerel pe buti ko plesutno individiulano džiedukacia ko korkorobukjarnipa, prekal praktika profesionalno džanlipa, hramosariba plo CV, motivaciono lila thaj sar thaj majsig te arakhen buti, notiringja i Donka Petrevska taro “Drom”.
Oj akcentiringja kote konektirime ka oven sa odola bukjake, ka džan an i praktika ko firme kote ka resen diploma so ka šaj te benefitirinen kana ka roden buti. Trujal ko Kumanovo o proekti implementirinel pe thaj ko Skopje thaj Bitola. Planirime si te ikeren pe šov informativno sesie an i sako diz po duj resarinaja te kerel pe direktno kontakti e grupencar.
O proekti si teloikerdo tari EU, tari IPA rpograma i komponenta 4, ko kotor tari socialno inkluzia.
