O presidento tari Romani Partia o Srdjan Šajn osudingja o atako upral o žurnalisto taro N1 o Milan Stojanović ko Niš.
„E Romane partiake o žurnalistia si kontrolno faktori e legaripaske em ka kera maripa mujal odova emo j te resel šukar statusi. Trujal ko Parlamento, Govermento thaj Kriseskoro legaripa, o žurnalistia si len ekstra pozicia ko modern demokratie” vakergja o Šajn.
Ov nootiringja kaj o atako upral o ćurnalistoa trubul te ovel tretirime sar atako upral biathinalipe thaj ko odova drumo te definirinel pe nevi kanonikani politika.
O reporter taro N1 ko Niš javinate sine atakujme taro bukjarne ko JKP Naisus ko vakti kana sniminel sine o randipa ko drom Njegošova.
UNS: Te len pe globakere konsekvence e personenge so daravkergje e žurnaliste o Milan Stojanovcič an o Niš
E Žurnalistengiri asociacia an i Srbia UNS reagiringje bašo akava incidenti upral o žurnalisti taro N1. Milan Stojanović so javinate an o Niš sine atakujme taro bukjarne ko Javno komunalno kompania “Naisus” kana kerel sine raporti so chidela pe sine o vodovod ko drom “Njegoševa”
Ki vaktavin taro UNS rodengje taro obvinitelstvo te phravel aktia mujal o persone so kergje akava incidenti.
Link: https://rominfomedia.rs/2022/02/22/romska-partija-osudila-napad-na-novinara-n1-u-nisu/
