O Centralno ofiso e germaniakere Sinti thaj Roma thaj o Manfred Lautenschläger Stiftung, an o 13 aprilo 2016 berš an o Europakoro Parlamento an o Strazbur dengja o europakoro phursako н Sinti thaj Roma bašo 2016 berš. I ceremonia dejba phursako phravgja la o Romani Rose, Prezidento e Centralno ofisoske taro germansko Sinti thaj Roma, a o phursako reslja o Amnesti Internejšnal , sar so si notirime an i decizia taro žiri bašo džiakanutno butikeriba , thaj akava phursako ka del motivo akale internacionalno organizaciake bašo podorigutno butikeripa thaj maripa bašo o hakoja e Romenge.
O Žiri akava berš angja decizia te del esktra phursako e ungarsko režiserkake i Ester Hajdu kote persi berš havljargja plo dokumentarno filmi ” Kriseskiri decizia an i Ungaria” . O filmi phravel o detalia taro duj thaj jekvaš berđengoro kriseskoro proceso mujal o štar ekstremistia so barabutne kergje nekobor atakias ko nekobor romane mahale thaj mudargje 6 e manušen , maškar so thaj jekhe pandž beršengere tikne čhave ko thavdipa taro 2008 thaj 2009 berš.
Ko dejbe phursako trijal o viceprezidento an o Europakoro Parlamento i Soraja Post, than lele thaj o misafiria so sine an i Internacionalno konferencia manušengere hakoenge thaj o romano NGO sektori so ikergja pe taro 11 dži ko 15 april 2016 berš an o Dokumentaciono thaj kulturakoro centro taro Sinti thaj Roma an o Hajdelberg an i Germania.
