Akanaske napendžarde manuša ki rakj maškar 17 thaj 18 aprilo 2016 berš sine frdimi bomba an i avlin jekhe khereske an i zagrebsko mahala Kozari. Ko placi e khereske arakhela pe o Khedipa e Romengoro tari Hrvatska thaj čhavorikano garteni. O kher sar so informirinela i policia si ko ploipa e 46 beršengere dizutne tari odoja mahala. I eksplozia kergja baro materialno ziani, phage si o udara thaj o pendžerke e khereske. Ko jekh sine kerdo ziani ko štar privatno vordona so sine parkirime an o placi. Duj taro vordona sine zagrebsko registraciencar, jekh daruvarsko registraciencar thaj jekh vordon špansko registarsko tablicencar. Tari policia nadena majbuvle informacie. O rodaripa si ko thavdipa.
