I Kristina dživdinel an i romani mahala an i periferia e ko jekh transalvanisko gav an i Romania. isi la 15 berša thaj si tari čoroli familia. ” E Kristinakiri daj isi la efta čhave taro efta dada” vakerel o Eginald Šlatner, evangelistikano opati an o gav kote an i Germania si pendžardo sar autori . I Kristina dživdinel ki pli baba thaj “štar generacie, dešujek person an i jekh kunajka trin e krevetencar”.
Baro čorolipa, terori, kriminali thaj bizo šajdipa te našel pe tari akaja bengeskiri rota – odova si o sakodive e Romengoro. Agjaar si an i Romania. Numa trujal i nacionalno programa baši arka so si an o margine e saqsoitnipaske resela but hari. Odoleske o lokalno privat inicijative si importantno.
O Šlatner reslja te kerel džajbe taro 25 romane čhave taro gav ki jekh zanatsko škola ki paše diz Sibiu. Donatorencar tari Švajcaria, Austria thaj Germania, o Šlatner majodorig da implementirinel o proekti. “I Kristina reslja te agorkerel o avgo nivelo taro semstri ki akaja škola” vakerel o Šlatner.
I kher taro o opati si phravdo e romane čhavenge, kote ola odothe šaj te han, te nangjon thaj te keren ple školsko savale. I edukacia si jekhutno čhani e Romenge te konektirinen pe an o sasoitnipa, vakerel o 83 beršengoro opati thaj romansieri.
