I asociacia taro koordinatoria bašo romano pučiba akahrela avdive sa e preperutnen taro romano entiteti an i Srbia te ikljon ko so majbaro numero ko 24 aprilo ko alusaribaskere thana thaj “te den pli vota premal olengiri mangin”
“O alusariba si importantno demokratsko kotor te anel pe decizia thaj te teloikeren pe sa o aktivitetia baši fer kampanja. Taro politikane akteria so lena than an o alusariba udžarena optimalno šartia an o teren thaj ko romane mahale, te na čhinaven o funkcioniriba akale proceseske” vakeren pe an i vaktavin.
I asociacia apeliringja dži o sa o dizutne dži kote notirinen eventualno deviantno aktia ” presie, manipulacie thaj bikiniba vote” te keren havljariba dži ko ofisia.
I asociacia lipargja e politikane akterenge taro lokalno thana kote sako forma tari presia thaj daravipa e koordinatorenge si presia thaj daravin upral i romani jekhin.
