Taro 11.06.2020 berš počmingja I avgo faza tari rekonstrukcia em renoviriba taro 11 khera taro mateleperavde romane familie ki komuna Vinica.
Ko pervazia e proekteske trubul barabutne te renovirinen pe 22 khera so si ko majbilačho forma dživdipaske. Ko period so avela sar dujto faza ka renovirinen pe panda 11 khera.
Paralelno kerel pe buti ki legalizacia taro pobuter 200 khera taro romane familie so si socialno teleperavde em dži akana na faisalkergje akava pučiba kherutnipaske.
Ko jeh startujnel pee m akte aniba Detalno urbanistikano plani ko bloko 18 e saste romane mahalake ki kopmuna Vinica. Akalea defiunitivno ka faisalkerel pe lungoberšengoro problem taro kherutnipa em infrastruktura taro pobuter 700 romane familie ki komuna Vinica.
Akale aktivitetoncar so implementirinen pe e proektoa “Arakhiba optimalno šartia dživdipaske e romane jekhinake ki komuna Vinica – SDH” finansie si dende tari Europakiri Unia, a o proekto implementirinela o CELIM taro Milano – Italia, o Romano Resursno Centro em I komuna Vinica.
O RRC barabutne pire partenroncar majodoriga ka kerel angažmano te lačharel o kvaliteto dživdipaske e romane jekhinake.
