Sar jekh taroo informacie ko vakti taro angloalusariba ki Croacia iklili informacia kaj represento Rom ko croaciakoro Parlamento ki alusaribaskiri jekhin 12 ka oven ko dueli o Franjo Horvat em o Veljko Kajtazi.
„Ki akaja alusaribaskiri jekhin alusarel pe jekh parlamentarno deputato bašo o 12 minjoritetoa si si sar reperezento e (romane, austrisko, bugarsko, germansko, polsko, rumunsko, ruskom khirane, ukjarisnko, vlahiakoro em jaudiengoro minjoriteto)„ – vakerel o Horvat em dopherel kaj o romano minjoriteto si majbaro.
O Horvat si presidento ki Unia e hrvatsko Romenge Bajašoa em presidento ko Ofiso e romane minjoritetenge ki Koprivničko župania . Ov si Rom- Bajaši kote 90% taro barabutno numero Roma ki Croacia.
„Pobutberšengere manipulaciencar , o Kajtazi reslja akaja grupacia te ikerel la ki učharin em agjaar i bajaško čhib te ovel bistardi“ Ov vakerel kaj o Kajtazi reslja trin mandatoa ko croaciakoro Saboro em nikana na kergjas bajaško lafi ko ple diskusie.
