Ano pervazi e Programake ” Telikerin e socialno inkluziake taro majteleperavde grupe, konektiripaja o Roma , trujal diferentno agende e socialno inkluziake an o nivelo e lokalno jekhinake ” kote finasirime si tari Delegacia e Europakere Uniake an i Srbia, an o butikeripa e : Ministeriumi baši edukacia, o Folološko fakulteti an o Beograd, Nacionalno Konsilo e Romane jekhinake, Romano informativno centari, Ministeriumi baši buti, renta thaj socialno pučiba, tehničko teloikeribaja taro EPTISA Regional Office for SEE, o CEREZ havljarel Phravdo konkurso baši aplikacia e zainteresirime Romenge thaj Romnjenge te len than an i programa implementacia e romane čhibjake elementencar tari nacionalno kultura an o fundavno škole an i Srbia.
I resarin si te lačahrel pe thaj buvljarel pe e edukaciakoro programi thaj tamikeriba kapacitetia e čhavenge thaj ternenge so si zainteresirime an o reoni taro teloikeripa thaj realizacia e edukaciake e romane čhibjake elementencar tari nacionalno kultura.
Than šaj te len sa okola kandidatia so isi len diplome Agorkerde studie an o sasoitne thaj humano nauke, so džanen thaj keren i romani čhib.
